فوق الحد

ياقلب سقط عرشه باستنزاف
ماتحننوش
القاسي قسوة من ظلم
قلبه مايقدر يوم يحن
الاغتصاب للحق مش طبعه
ولا طبعك
ولكن دي ديون بايته
خدوا حبه بقوة زمان
فعاش للآن
ومستنظر
يشدوا جذورى من قلبه
ولما بنيت حصون عالية
حوالين بيتى ومشاعرى
ليلاتى كان بيتردد
في ودنه صوتها والجنى
يقوله سيبها لتسيبنى
يقوم لمرايته يواجهها
اسيبها صحيح
حبيبتى حقيقي بتخونى؟
ولوفضلت هنا جنبى
هيجي اليوم وهتبيعنى؟
فقام شادد مشاعره وحبه من عمري
وسابها في كل تفاصيلي وفي ملامحى
بقيت شكله
وحتى طبعي بقي طبعه
فلو ينسانى او يبعد
سايبنى اتنين في روح واحدة
ودلوقتى بيغلب طبعه جوايا
طباع عندى
فادوس علي قلوب حبيتنى وباخلاص
واستناه يعود تانى
فشوفه ف يوم
يخيرنى مابين عقدين
نحاسي ف بنى علي دهبي
وعقدغريب طويل واسمر
ويضحكلي ويختارلي
وافكر ليه
حلمت في يوم ميلاده بيه
وايه العقدين
ومن حيرتى سألت امى
قالتلي ياخايبة دول عريسين
فأتفائل
عشان شوفته
واول لما كلمته
حكيتله الحلم م الاول
فردد خير
وايه التفسير
مافكرتش ياقلبي كتير
كفاية افسر النظرة اللي في عيونك
في لون الحلم
وليه الحب جوايا بيتصارع
عشان يحيا
تقاتله وتدفنه عندى
وهو كان حرام يعنى
حلال عندك
تفوتنى لوحدى وتبيعنى
وتظلمنى
بانى احلم سنين عمرى
بلحظة تعيشها روحى معاك
ولو نظرة دفا وامان
وتتلاقي صوابعك تانى بصوابعى
وحلفتك تحاول تاني تقرا الكف
ونتمسك بخط الحب
ماتسعفناش خطوط العمر
فنفتكر ان في الجنة
هنتخير في ازواجنا
فيوعدنى
ويحلفلي
هيختارنى
اموت عالوعد