القائمة الرئيسية

الصفحات

25691

مش من حقك
تعجبي حد
ولا حد يغازلك
ولا حد يشاركك
احلامك وطفولتك
راح يفضل طول العمرعذابك
يرسم ف خطوط الامل الواهم
يمسح فى خطوط الحب الباسم
مش من حقك
حتى تحبى او تتحبى
حقك كسرتيه باديكى
بصى تلاقى
العربيه
اللى تملى سندنا عليها
واللى قعدتى فى حلمك فيها
من شوقك ليه
تحفظى ارقمها
وتعدى على صوابعك ارقامها
والبوسه اللى فى مره خطفها
والعمر الدايب وياه
والجاكت الى زمان دفاكى
سنتين
وتهمهمى بالراحه بشوق
25691
تجرى عليها
تحضنى بصوابعك
ارقامها
ملامحها
وريحتها اللى بتشبه
احساسك
واتفاجئ
انه راكبها واحد غيره
لكن شبهه
لكن هواه رقم العربيه
واتاريه ..
لما يقرر يبدأ حاجه جديده
بيدوس ع الماضى
ويبيع احلامه
حتى العربيه
author-img
شاعرة عامية مصرية اخصائي برمجة لغوية عصبية معتمد من البورد الكندي والأمريكي . لايف كوتش متخصص في مجال العلاقات واكتشاف الذات . رسالتي: مساعدة الناس تعيش بأفضل نسخة منها وتعيش حياتها بسعادة

تعليقات