دموع السما..مطر يحضن تراب الارض
زي عنيك مابتغرق فيا
وتحضن ايامي ولياليا
زى الشمس ما تسكن فيك
لما بتيجي عليا عنيك
بسرح فيك
روحي وروحك يبقي في واحد
هو انا بيك وانت بيا
ربنا يخليني ليك
ربنا يخليك ليا
احضن الاحلام تعالي هات ايديك
اوعي تتنازل عن الحب اللي ليك
خلي صورتي تبقي جنبك ليل نهار
خلي دايما حلمي يبقي ليك وفيك..
سما..مطر..
عشق باين في العيون
المس الارض البريئة
بوس ترابها
حن ع الايام.. دفي ليلها
ونس نهارها
خليني فيك شمعة امل
وهمس الشوق المستخبي حياء
وانهيار العاشقات قدام براكين المشاعر
سيل من الحب الدفين بين عنيك
غرقني فيه
في البحر ليه اسماك غريبة عن زمان
مستهجنة الاحلام كمان
حتي حلمي خصخصوه
ممكن سؤال يابلدنا ؟
بس ردي بدون غضب
مين السبب ؟..العاشقين
ولا اللي باعوكي
استهتروا بيكي
وباعو الارض للتباشير
سبورة الدنيا الجديدة
عليها فارس اسمر اللون والملابس
حبيبته مكسورة في بعاده
وهو قوتها وطن
وانا وانت فين
ارجع بقي..
رجع بقي الاحلام
انا الاميرة والوطن وانك شعاع الشمس
ابقي الجزيرة وانت قارب
تاخدلي وياك القرايب
وتلم شمل الاسر
فرعون صغير يجي بعدك
يبدا الدايرة الجديدة
يمكن دوام الحال محال
يمكن عشان فرس الحكومة عجز
لم عينوا عليه الخيال
كل الاطبة اكدوا جزعة الشاطر حسن
ماتختلفش عن كسر ست الحسن
بس الاطبا..........
(شوش)
كدابين.
تعليقات