القائمة الرئيسية

الصفحات


وكأن افلام الكارتون اللي شوفناها واحنا صغيرن كانوا بيلهونا بيها بس كانوا عايزينا نتوحد معاها ونبقي رسوم متحركة.

تفتكري هفضل مستحملة اد ايه بعد ماعرفت الحقيقة تفتكري قلبي اللي شرحتيه علي مر السنين بسذاجة وحب هيسامحك اكتر من كده ايه؟

لحد امتي هتلبس ملاية علي وشك وتعمل علينا عفريت ؟؟ وماخدتش بالك طول السنين اللي فاتت ان الملاية اقصر من انها تداريك وهدومك القديمة اقل من مهارة العفريت

طيرك ساند علي كتفي وعايزني اكون المسئولة دا لانك هربان من ناس كتير مسئول عنهم ازاى اشرحلك ان انا نفسي تكون مسئول عني وتشيلني في قلبي واسند انا علي كتفك وانا لابسة ماسك فراشة.

هو بشيبهلك كتير وانا وانت معمولين من بعض موقفه هيبقي ايه تفتكر لو هى طلعت معمولة من مفيش

خايفة بعد هروبي من كل خيام العمر من خيمة فرض عليا ارضي جميع الاطراف فيها اهرب ليك والاقيك بتحضر بيتنا في مخيمات اصعب

ابني ماشوفتهوش بس شوفته جوا مني محتاجالك فوق ماتتصور لانك الوحيد اللي هيحبني من غير اسباب

سحر ولميا وغيرهم معذورين اتعودوا علي القسوة ولما شافوا حنيتي افتكروها سيل فهربوا

بابا سامحني لو قلتلك اني ممكن بعد فترة ابطل احبك دا لانك مت وسيبتني لوحدى في احلامنا ولان الدنيا بتعلمنا كتير فانا اتعلمت ابني نفسي لوحدى وتعبت اوى عشان احافظ علي احلامي معاك بس الحبل بيتشد مني بقوة وخايفة لاقع سامحني لو وقعت هكرهك
author-img
شاعرة عامية مصرية اخصائي برمجة لغوية عصبية معتمد من البورد الكندي والأمريكي . لايف كوتش متخصص في مجال العلاقات واكتشاف الذات . رسالتي: مساعدة الناس تعيش بأفضل نسخة منها وتعيش حياتها بسعادة

تعليقات