انت عايش نص نص
نص للناس اللي عرفت
نص للناس البريئة
نص للقلب اللي حبك
نص للي قلبك انت حبها
والحقيقة
ان حبك ليا باين نص نص
اتنين متوازيين
مرايا بتعكس المعكوس
وانا مش خارجة عن نصك
انت اللي خارج عن كل النصوص
كل حاجة اتقسمت
في حياتنا لانصاص ياحبيبي
انت برضه ياحبيبي نص نص
نص ليها ونص ليا
نص ليه ونص ليك
هو ذنبه حبـّها
وانت ذنبك سيبته يكتب عقدها
وانت داخل قلبها
بياض فستانها اصبح ليل
بقي لونه لون قلبك
لّون عنيها بعدماخانت ومشيت
لون قلوبكم وانتوا بتخبوا علينا
هي برضه نص نص
حبها حب فيها شكلها
حب روحها جسمها
قولها اللي قولته في يوم لقلبي
عرفها لياليك كلها
اديلها كل الحب والاخلاص
ابقالها كل الناس
برضه آخرتها هتبقي معاك بنص
ههههههههههه
الحكاية كلها متقسمة
والنـُص متقسم لنـُص
رصاص غدرك منصص كل صوري معاك
ونص النَص تقريبا مع عيونها
وتبقي معايا ليه بالنـُص
حاجات اتشرّخت فيا
بكايا حامل المركب علي خدى
اخاف دمعه في بكايا تزيد لتغرق مني ذكرايا
واخاف ترحل بلاذكري
كتير حدوتك الفارغه
اخرتها تبقي في قلبي نـَص
تعليقات