بين اعتزال الجرح والتوبة شبه مؤلم
خيوط دايبة في ايدين جراح
ضعيف جدا قصاد اهله
قوى خالص قصاد مشرط
بيقطع ذكريات عاشت
بحدة ونقد للمشهد
تخلي كل تفاصيلها تهون في عنيه
بيتأسف علي الدم اللي غير كل الوانها
علي الورد اللي مات تمثاله في عيونها
علي كتبه واماكنهم
ورسم الجاي في قلوبهم
بيتأسف ومستني تسامحه ازاى
ليه جالها جري وقالها محتاجلها
ليه لمته من سبعين ارض ودفته ..
ليه خلته مالك زمام الكون في لحظة
وف لحظة هو هدها
ايه اللي عابها عشان يكون الضد غالب
بين الرضا وحزنك علي كرامتك
شبه أوقات
ساعات يوجع ساعات بيعلم الحكمة
اختاروا بعض عشان حسوا سوا الرحمة
ورحمة ربنا وسعت لكل الخلق
اكيد في البعد كان رحمة
اكيد في القرب
كان الحب شمعه تقيد باخلاصهم
وأد المشاعر
واحتضار الشمع جواهم
تعاقب للفرح والجرح
حكمة ربنا في الكون
عشان نبكي ونرجعله
عشان نرضي
عشان يكبر وينسي اى شيء غيرها
عشان تفضل تغنيله في مواويلها
عشان اطهر قلوب في الارض هماهم
رسموا قلوبهم عالطريق
نحت حروفهم بالمسافة في حضنها
خفت عليهم
للباب اللي مابينهم يتسكر
غنيت من الخوف ليالي الشمال الحزينة.
تعليقات