من وحيه

عنيه اطفال 

بيجروا في حضني يوميا 

ايديه عجلات بتسبق جريهم ليا تونسني أبات احلم 

بكل براءة الماضي 

ازاز نضارته يلمع بانعكاس الشمس ليا 

اتغسل من الحزن لحظة ماافتكر

 انه سابلي من ملامحه كل اطفال شوفتهم

 وانه لسة بيقابلني في ابتسامهم او جروحهم 

 لحظة مااشوف قلوب بتحبي 

بشوف ملاكه بيرتجي مني النجاه

حبيت معاه 

 اللي عمري ماكنت يوم ينفع أحبه

 ولعنا شموع للعدرا 

ورواني ب ميّا مصلية 

غسلت قلبه بزمزم الاخلاص

اول ماتاب ..

تاب عن لويزا الطيبة 

ووصلبها علي ضهره بيانوللا 

ويتقابلوا يادوب تخاطيف 

مع الذكري مع الاطفال 

في الميكروباص لحظة مابينادى

 شد الرحال ياللي نازل م الحب مش سالم 

اتارينا ركبنا غلطة رمسيس صلاح سالم 

.........

شعر/ياسمين الشاذلي