انا والكمنجا بنحب بعض بس الغريب هى مش عارفاني وانا مابعرفش اعزف عليها
انا وهي منعرفش ايه مخبي لينا بكرة الفريب لما بكرة بيجي جرى بنقف ونبكي ولما يجي بشويش وتقل نجري عليه المشكلة عند مين فينا معرفش بس كل اللي اعرفه ان في حد بيكدب غيرنا علينا هو اللي مخلينا بندور في بعض علي شيء في الافلام وبس
هو اللي مخليني مستنية ردود افعال وهمية ومخلية منتظر صدى يهزه ويطمنه ان اللي جاى احلي مش قادر يعرف قيمة كونا سوا مش مالي عنيه الفرحة اللي مدفيانا
عارف ياحبيبي اوقات الحزن دليل عالحب اوقات بيكون معناه انك حسيت بامان فعبرت عنه للي بتحبه لكن الافلام وقصص الحب الفاشلة دايما فولت التعبير فيها عالي علو الايقاع بيبوظ الرقصة ولاننا عايزين نرقصها سوا زى الافلام والاحلام وقصص الحب مش عارفين نستمتع بالموجود
انا مش عارفه اقدم غير اللي باينلك فكر وبراحتك لو اد وجودك جنبي تعالي لو اد البعد ابعد وخلاص لو عايز نبقي اصحاب سهلة بس دا لو عايز فعلا
تعليقات