ولانك اطيب خلق الله
ولانك ابيض قلب قابلته
مش عارفه اسعدك ازاى
وهحبك اكتر من كده ايه
لجل ماتتطمن
عارف ربنا حسسني بحبه ليا
لماشوفتك
وكانه هيتطمن علي قلبي معاك
ربنا بيحبني جدا
خدني من الايام الصعبة
ومن الوان الدم الباهت
ورماني في وردك الابيض
اغرق ارقص وياك في الوردة الحمرا
نخرج ونتوه في دواير ورد
اعشق اسمك اكتر
تحييني بلمسة حنية بريئة
وتطمن قلبي الخايف قبلك موووت
وبتبنيلي في قلبي سفينة
وبتحفر اسمك فيها
ومخدتش بالك ان انا كلي بقيت علي اسمك
دا لانك مركبتي اللي خدتني لبر النور
وملايكة بيتكم جت وقالتلي علي الاسرار
وقالتلي لما ساعات بتحس بوحدة بتعمل ايه
مراجيح تنزل من سماوات الله
تتعلق فيها وتيجي تشوفني
وتشوفك روحي تبقي فنار عشاق في سفينتك
ابقي عشانك كل اللي بتتمناه
تبقي عشاني احلي هدية هداها الله
تعليقات